Ajudatz a hèr mès segura era atencion ena etapa pediatrica

Cada còp son mès es centres e institucions sanitàries que hèn passi fèrms tà involucrar activament as familhes e ara mainadèra en tot aquerò que tòque ara seguretat des persones atengudes. En pediatria açò ei especiaument important, ja qu’era mainadèra e es adolescents non tostemp pòden manifestar damb claredat qué senten o detectar se quauquarren non va coma cau.

Era participacion activa des familhes e persones cuedadores ena atencion sanitària ei fondamentau entà identificar possibles errors, previer risqui e garantir ua atencion mès segura, de proximitat e adaptada a cada situacion. Per aquerò, era Associacion Espanhòla de Pediatria, amassa damb eth Grop de Trabalh de Qualitat Assistenciau e Seguretat deth Pacient, a creat un Decalòg de seguretat damb dètz conselhs practics que vos pòden guidar ath long de tot eth procès assistenciau, der ingrès enquiath guariment.

Cau relheuar qu’aguesta infografia ei ua adaptacion deth Decalòg originau, pensada tà facilitar era comprenença e er us per part des familhes e persones cuedadores.